Ronaldo khopa Georgina Rodriguez ta ‘Love At First Sight’ he a y tlaina a tah.

Footballer hry liata rôhna chaipa nata hlaotloh chaipa tahpa ta rei thei awhpa Cristiano Ronaldo kaolâhpa Georgina Rodriguez ta a chôchâh a reina liata cha  ‘love at first sight’ he a y tlai tahpa a reih papua.

Eikha a hmôna liata a pahlaona nata Kyhpachâna a pih pâ hapa  he a y theipa a châ. Chahawnachata Rodriguez chhao he Ronaldo nahta ama pano likah liata ‘love at first sight’ tahpata ama vaw reih tyhpa he a tlô tlai tahpa a reih. 

Madrid clothes store sâkha Gucci liata a hria nota Ronaldo nata a eikha n'awpa ta eimâ tyh tahpa reih ta, heno na heta sales assistant liata rai a hria ngâhaipa a châ zie a reih palâhâh pâ hra.

He hnôh lâ heta Brand Event hropa liata a hmô heih ei ta. Eima pano liana heta ‘love at first sight’ tahpa he a tlô pado  ngaita kaw a tah. Amâ hmô hnôh lâna heta avaw tlaichhai pathao ha bâ ei ta, kô 2016 June thla tawna khata â khoh kawpa ta amâ vaw pazi pathao haw. He bie he Georgina heta Italy’s Elle magazine hnohta a chho.

Chyhsa ry liata rai a hria thlâthlipa kha atahmâ cha khizaw liata  Footballer moh pathâh chaipa kaolâh avaw châ haw. Ronaldo na heta sawchanô kô 1 ta utheipa Alana Martina hnei ei ta, Ama pano liata sawchanônô hleikhô heta  Ronaldo saw hropa Eva nata Mateo zy hleikhô ta Cristiano Jr zy châta nô a châ pâ hra.

Georgina Rodriguez heta Football Star lahpinô châ awhpa ei khoh tahpa reih ta, â pahawhpa hawhta ama reipa deikua Rumours deita he a châ a tah. A sawzy cha a pachâ zie nata âkaolâhpa Ronaldo nata a sawzy chhaota amâ ly ziezy chhao reih pâ hra ta,  chhôhkha adyryh kawpa ta khih ama sa tahpa ta a reih.

The Sun