MOTHLIH CHHAOPA TA AMA PATHLIE, WWE CHAMPION ROMAN REIGN, CANCER CHÔCHÂH LIATA BIE THIEHPA A Y

WWE lâchhâh eima nahthlie bâ awhpa châ sala. WWE a moh tyhpa nazy châta cha hmiphapa nata pi ngiapa, WWE Champion superstar Roman Reign he ama khoh kaw sai na ta pangiasa â chhih. Roman Reign cha cancer miakha Leukaemio pasana vâta WWE a puasai haw.  Zâhia liana khataWWE ei 6 po tlai champion hapa Chris Jerico chata Roman Reign a tlâhleina kyh liata bie thiehpa miakha rei papuapa a hnei.

Jerico ta a reih dâh liata cha, Roman Reign na ta bie a chho tyh pita, zâhia a thâtih eina chho dâh liata cha, a tlâ ngâsâ bâ pa hawhta reih ta, Roman Reign he a tlâ/pha ngâsâ bâ na a tah. Jerico heta Roman Reign chôchâh rei pazao via heih ta, WWE liata paw khochhihchaipa palôh pathaihpa nata palôh kawhpa, nônaipa nata chyhsa phapa a châ a tah.

Ano hawhpa chyhsa he WWE liata ahy hmahta y v'ei. Roman Reign chyhsa châna lia heta pathluana, hiatliana sâkha chhao a hro lia heta hmô awhpa y leipa ta, hiehâhna hmi hmô awpa ano liana heta y beih vei. WWE sahlao zy pi heta, eima zydua ta kyh pachâ pita, a tlâhleina thâtih a rei papuapa he eima mothlih a tla khai a tah.

Roman Reign ta WWE a puasai awpa chyta a biereipa heta zawpi palôh hria ta, ama mothlih apa tlasa. A biereipa thokha zy cha, Kô 11 a khô hapa liana khata he  pasana he vei ha na ta, châhrasala Khazohpa ngiachhiena vâta ei tlâh pakhua heih. Atahmâ he cha ei pasana cha a kaw thua heih ta, ei mohôh awpa byuh ta, keima he chyhsa hropa hawhta O nata lyu phapa a hneipa chhao châ leipa na ta, chyhsa hropa hawhta phusâ a hneipa chhao châ hra vana.

Lahpinô hneipa ta, sawchanô pakha hnei hra na ta, hmoto zydua ei pachâ na heta ei palôh a pasa ngâsâ tyh. Châhrasala, a vaw mohôh aw na ta, Khazohpa baona ta a tlâhboh kawpa ta ei vaw kua heih aw. A pei tah na ta, khâpa chhaorai châ sala, ei fans zydua sai u, Abeipa ta byhnâ cha pie mawh ei sy, I will come back soon tahpa ta Champion belt cha soh ta, a pua haw.