Khazohpa Hmotaotheina Vs. Covid-19 chichhina

By: Thlanoh -
Rev. NC. Beihrosia

Khizaw liata hri chichhihpa, chhiena rârôh ypa, chyhsa hluhpi hrona thlai thlai ta a pahlei padiatyhtuhpa hri (epidemic & pandemic disease) hluhpi a charei tyh daihti y ta. He leipa chhaota leilô ta â chhipa potla-rairuna (natural calamity/disaster) zy chhao a tlô tyh. A tlô chhâna deikua a lyu tlâ aw vei.

Natural disease chhao, chyhsa a vai thaileina vâta potlana hri eima oh ngâpa zy chhao, moleina vâta tlyma molei ro khohleina vâta hriena châta hri a tlôpa zy chhao nata, Sawhkhâ thokha chhoruna vâta *biological weapon* (Covid-19 kyh liata chyhsa hluhpi ta China ama maochhie ngâpa hawhpa) a vaw tlôpa zy chhao rai, rei awhpa hluhpi a y thei aw. *A chhâ chhâna liata potlana hri kheihhawhpa rai, a chalihsa thei tuhpa nata papai theituhpa deikua cha Khazohpa deita a châ.* He he my pâ ngâna taihta Covid-19 ta eimâ ngiapâna a pahlei pathlah tlamaw tlai khiatala e, a boh hlei' va na. A boh hlei' va chi. *_Potlana hri tawhta maniah pachha theituhpa cha Abeipa Khazohpa deita a châ (Hl. 91:3)._*

Tahmâ hlâ Covid-19 potlana hri hawhpa he Izih râh liata charei ha ta. A boh thei'pa châ vei. Saw tuapa thina chhochhi kha la, khôkhâh thei vei ei. Izarei sawnah deita ta ama khôkhâh thei khaw! *Abeipa biepiepa, zy pata ama O chhikao tôh miano liata nata chhikao luh chô liata mietakuhpa thisaih ama hnia vâta, Abeipa ta a siepakhôpa vâ deita ta amâ boh theipa kha a châ (Ex.12:7, 23).*

Izarei bei Davi daihti liata potlana hri a vaw charei heih hra. Achhápa eima pahno khai. *Davi ta Abeipa thatlôna lia hlâta a chyhsa nata a chariah pheihsaih maluh hluhna nata thatlôna liata ngâna a pahnieh tlamaw ha, Abeipa lia hlâta a chariah pheihsaihzy thatlôna liata ngâna a vaw pahniehsai ha daihti liata Abeipa palôh tlâh khao vei!* Davi chô liata Action la awhpa deita kha a chabâhpa tlao vaw châ thlâh ha bâ ta. Khôkhâh thai'pa châ khao vei... Leithei leipata a tly awhpa hriena chithôh (option chi 3) hry tawhta Davi kha, kho patlysapa châ ta. Cha zy cha: *Râh liata kô 7 chakâna tlô awhpa tlyma, khakhaipa hmiakô liata amà chadai awhpa tlyma, a râh liata noh 3 chhôh hri cha reisa awpa ma? tahpa zy kha a chá.* A tly awhpa ta kho a chhih tlâ vei...!

*Abeipa lia hlâta hmohropa liata khâ châ ngâna a pahnieh viana tlai he COVID-19 hlâta chichhih viapa tlao a vaw châ.* Abeipa palôh tlâh leipa ta Izarel chyhsa zy chô liata hri a vaw chareisa thlâh hapa cha... rei pâ y kho vei. Khâpa symptoms hmá a lâ papua hmá lei pa ta, tahmâ Covid-19 kyh lia hawh heta Vaccine hmô papua hmâ'pa châ tlá khao hra vei. *Chyhsa thy sari (70000) tlao ama thi khaw!*

A chhâ chhâna liata amâ boh pakhua heih theina a y chhôhpa kha eima pahno khai. Zawpi tawhta hri a pai thei n'awpa ta bei Davi, *"Prime Minister, Gov't of Israel"* ta a taochheina nata moleina zy pahno pata, Abeipa cháta Maihsâ zy a tao tawhna khata ama râh chô liata Abeipa palôh vaw tlâh pakhua ta, cha tawh cha: *"Izarel râh tawhtapa hri cha a pai haw ta! (2Sml. 24:1-25)."*

A châ leih.. Covid-19 potlana hri chareipa vâta nôpo pachârôh pata, chipa nata a chalyupata eima y ngâ hai daihti lia heta, Izarei bei rôhnapa Davi ta, *"Ei nô a po kaw na; ABEIPA ku liata pao thlu thlâh ha awh sala, a zawhngiana cha thata châ tlôh ta (2 Sml. 24:14)"* a tahpa hawhta keimo chhao Abeipa ku thatlôna liata a pahnieh chyu suh u... Hiakha lâ tawhta Covid chichhi zie sai ta eima rei hili ngâ no heta nata, *"a bohna châta, avaina châta..."* tahpa ta eima rei ngâ hai no tlai heta, Abeipa liata eima ngâna tlokhuh pahlei pathlah pâna taihta rie châ kha se.
🙏🙏🙏

Comments

Post a Comment

Popular posts from this blog

School Khawh pazao heih aw

By: Thlanoh -
Mara Autonomous District Council. Siaha  School Education Department (P/S) CORRIGENDUM                The Executive Committee of The Mara Autonomous District Council, Siaha paryhsana hawta, atahma nota cyclone/vasua pa vâta *Tari 29th &30th May 2024* chhôhta Elementary Schools zydua khaw (closed) awpa tahpa kha *Tari noh 29/5/2024 noh taihta a châ aw* tahpa Elementary Schools Headmasters zy eimâ pahnosa.            Noh/khi duasuh mohpâ pata abyuna zie hawta ryraona tao chhy theipa a châ aw.                                                              Sd/- K. Beingiachhie Senior Education Officer           M. A. D. C. Siaha.
Reih pazaona>>>

ALYNA BIE REINA

By: Tlôsaih Thlihua Thlanoh -
Image
Eima nô kyh maniah pachâ ngaitapa, Freddie nô (Rev. Violet Louise Annie Mark ‘L’) chiehlei pasana â vawla thaohno tawhta achhâna noh khôlâ taihta Awnano nôpawpazy, MADC nôpawpazy, Veiseihpa Py to nata mopakha veiseihpa zydua hleikhô ta Thohna chakaona rai hriatuhpa Dawhty, Nurse nata ama hrialâhpa zydua, Krista liata eimâ ngiapâ lâhpa zydua ta maniah taokhei ei chi ta, eima peimawhpa nata angiahpa to rai liata maniah nama baokhâna nata deichhyna zydua vâta eima Khazohpa moh ta pathipalôhru hmeiseihpa ta alyna bie eima cha reih. Eima chiehleino nata thohna su eima pangaina, sievawna nata niebaw zydua chhao phahla leipa nata nôpo leipa ta maniah pa y sa lymâ ei chi ta, chahleikhô ta O lâ nata Thohna su liata maniah mohôhtuhpazy, Sôh nata thih ta maniah baotuhpazy, Mara râh liata pahrâhpazy dei châ leipa ta eima râh (Mara râh) khôtho lâta a y pa zydua hleikhô ta nochhi lâta Marasawzy nata Râh hro (Foreign) lâta Marasaw a ypa zydua nama chô liata athiehpa ta alyna bie chahlâ chanei ei na t...
Reih pazaona>>>

MAHÔ PHANA

By: Tlôsaih Thlihua Thlanoh -
Image
  THOHNA CHÂTA : a hna nata a kô daih padipa ta nie awpa, hezy châ heta a pha 1. i siepa 2. chhiezao siepa 3. parih pachupa 4. vaosa niepasi/ niepasi hropa 5. pavyhpi thatlô leipa liata cha ano saita chhoh ta, niepa nata a heipa ta niepa a pha Mahô Ashma (Huhiahpa/huchhâpa): mahô nata khâchhaorâhpa nata ganja hna daih pata, a ti saohpa ta, thopi chahriana phiathla tatawpa hmokha nohkha ta ei 1 niepa a pha. chachôhna nata rao liata hniapa chhao a pha hra. a nohchareihta a thiehpa ta tao lymâ awpa a ch Mei Kâpa (Burn) : mahô nata chinai charoh pahlaopa ta hniapa a pha.â.....a.a.niapa a pha.
Reih pazaona>>>

Miss MSA History, 1995 - 2019

By: Thlanoh -
Image
Miss MSA History, 1995 - 2019 Marasaw zydua pahno byuh kawpa Miss MSA (Mara Students Association - East Maraland) atlyna nata Miss a vaw châ hapazy:- Sl.No.- Kô - Miss Moh  -  Khih Moh  —————————————————— 1). 1995 - Miss Ngokao - Ngephepi 2). 1996 - Miss Paw Tlei - Sabyhpi 3). 1997 - Miss Sikhei - Ngephepi 4). 1998 - Miss Chawsu - Sosai (Nothlah y vei.) 5). 1999 - Miss Ngodaw - Sabyhpi 6). 2000 - Miss Nathli - Palewa 7). 2001 - Miss Ngopa - Aru 8.). 2003 - Miss Nila - Chakhai 9). 2005 - Miss MawMaw Khai - Chali 10). 2007 - Miss Ngosi Hlao - Lelai (Nothlah y vei.) 11). 2009 - Miss Pawtae - Lialaipi (Nothlah y vei.) 12). 2011 - Miss Ezali - Dawlei 13). 2023 - Miss Esther - Teina 14). 2015 - Miss Ngosadi - Dawlei 15). 2017 - Miss Khinkhin Myint - Ngephe Sizo 16). 2019 - Miss Rebecca Kheino - Sabyhpi Miss MSA he kô 1995 tawhta pathaopa t kô 1 padai ta apatlâh tyhpa vaw châ tua ta, kô 2001 tawhta kô 2 padaipa ta apatlâh tyhpa a vaa châ. Miss MSA apatlâhna hnôh chai...
Reih pazaona>>>