Easter Sunday Sermon

PAHÂNOH VIACHHÂ* Zh. 6:35

'HY THYUHEIHNA NOH RÔHNAHPA THINA ATIAHTUHPA'

             Ano cha he liana heta y khao vei, areipa hawh ta a thyu haw!. (Mathai 28:6)

By:- Mch. L. Molua

  

       Khizaw liana he chyhsa hluhpita zyhna( religion) hnei chyu pita, cha cha eima Khazopa tlyma, eima Beipa chata eima hnei. Achhy chyu pita, cha Khazopa cha eima ngiahpa maniah a pie thei tuhpa a cha, eima tah tyh. Khizaw rah kawh viapa lâ chhao hmah ta rei byuh vei. Eima India rah liana tlai chhao he zyhna khazopa nohthlah â chhyhpa ama hlu ngasa chahrasala ama khazopa cha, eima Khazopa a lei nata avâ tao tuhpa, atotaotheipa Khazopa hrohpa hmô theileipa a ypa a cha. Zyhna hropa a hneipazy deikua Khazopa âmo taochhyhpa, nothlahpa, biereitheileipa, âpiepa thai leipa, chavyh chakei hmi a lyu thlahpa he châta. Hindu â chhypa khazopa cha ku(bâh) 10 hnei ta a paleih seih ngasa ta, ochhoh chhohpadâhpa sakha liata tawh ei ta, rôh chito thu ei ta, cha cha a ma chhy tyh. Ahropa, Muslim zy ta Mohanmedan (luyhrapa) he khazopa na a cha tah ei ta, a moh bi ei ta, 'ALLA' a ma tah. Anodeikua, âmo he cha châbu KIRAN hnei ei ta, MONK zy ta ama pachu tyh. Ama zyhna liana cha khizaw daihti he a thla ta a nano hra awpata a ma pacha. Ama khazopa Allah Mohammad heta pachhana a taopa theipa hawhta ama pacha. Atlahpiepata muslim zy he Abaraha sawchapaw Ismael pathla tawh ta a vaw puapa hawhta pachâpa ama cha.       

           Nothlah â chhypa hluhpi ro awpa a y atahma rohkhai thei tiarah ma pi. Eima khochaipa cha Khazopa hrohpa thina zydua tiahta a thyuheih tuhpa eima Beipa nata Pachhatuhpa thina tawhta a thyu heihna bie rohnapa nata â dopa thatih he tlao eima ro khohpa a cha.

        Khizaw liata zyhna nano, nanopa chhihtuhpazy, Sadhu, Priest, Monk, Theithaipa, Pastorzy, etc. ama zyhna kyh liata ei hluh pi ama khazopa kyh liata a ei tyh ei ta, zyhna hropa chhihtuhpazy ta ama khazopa ama vaw rei paphapa cha krizypa Pastor zy ama pakah a ma â thlah ha tyh. Chahrasala, âma daihti avawtlô nata ama vawreipa cha, Khazopa thlahpa chata a dua khei eita, a lei liata hmotaopa zydua leikhai awta, chyhsa chhao ama thi khai aw, hiahri via heih ta, chakhiah nama khazopa kha cha kô liata thi ta, a hro heih ma? tahpa cha thyu khao vei tahpa ta ama chhy. Pastor ta, 'y, chatlai cha na a cha, keimo Khazopa la Khazopa hrohpa, moleipa vyuhpata thi ta a thyu ha heihpa, Khazo hropa â chhy tuhpa zy, eima cha. Atahma a thlâ lâ vawh ula, Ano y khao aw vei, thlâ ruapa tla nama hmo aw, ' atahpa cha si a madia khai haw.

         Chavata Unawh khizaw ngiapaleipazy pahnie ta tiahna cha, thina pahnie ta thlâ tawhta 'THYUHEIHNA' he krizypazy hrona nata molei thina eima tiahna acha tahpa khâchâ pahno ta zyh lyma awpa ta ei chahrua ei.

 AMEN