KHAZIE MÂ TLAI MA A CHÂ AW TLY?

Chyhsa   pakha   Dawhty â  pamosapa  cha vâdua   chhih  kawpa  ta  cancer a  châ  zie Dawhty ta vaw chho ta, a stage chhao âsâh ngaita bâ.

Cha paw pachârôhpa nata hnabeidy ngaita kawpa chata Dawhty hnohta "Pâpuh, ei phusâ hneipa zydua heta na mohôh la, na patlâh tlai mah y" tahpa ta thata a haw ta, châhrasala cha Dawhty chata "Pâpuh, pei ei tah hmeiseih, tao n'awpa hropa y khao vei" tahpa ta a chhy ta. (a tlâhleipa paw cha khizaw hmo liata kei â tah kawpa nata sôh nata thih hnei hluh kawpa pakha a châ.)

Tlâh-leipa hnabeidy kawpa chata "phusâ â chakaihpa zydua cha siphiah liata hiezawhpa ta, he sôh zydua heta ei pasana he na patlâh thei vei mâ? Ei châta khâpa ma y-zie ama hnei tly" tahpa ta a kâ liata dyuchhai liana chata a hniehpa ta, cha ngâkaw ta. 

Kô 2021 November tlai chhao a vaw pahieh ha bâ ta, Kô thaota tawhta reipati pata, Tlâhna phapa nata hri-iah pathaihna eima hneipa zydua he khazie mâ tlaima a châ aw tly? Sôh nata Thih vâ châ leipa ta, O nata Lyu phapa hnei vâ châ hra leipa ta, eima hri-iah a pathaih patlua vâ châ cheita hra vei. He zydua he keimo taotheina vâ châ leipa ta, Khazohpa ngiachhiena vâ deita a châ. A hnohta alynabie khâ reihpa ta, ano myna châta daihti hmâ beih kha ei suh u. 

Alynabie reihpa ta, eikha chhâ ano châta atanoh he daihti hmâh a chhuah chyu suh vy. 

Noh hmâpha chyu u sy.🙏🏻