Newcastle-ta Eddie Howe amâ daoh

Steve Bruce ama pabâh tawhta Newcastle United ta manager thiehpa tlua lymâ ei ta, Bournemouth manager parohpa Eddie Howe cha Newcastle heta amâ daoh ngâhaipa hawhta thâtihbu chyhsazy ta ama palâsa.

Kô 2019-20 season chhâ tawhna khata Howe heta Bournemouth puasai ta, cha tawhna chata English manager heta atahmâ taihta club mohôh haipa hnei mâh vei.

Atahmâ hâta hmiatuapa liana khata Newcastle heta Villarreal manager Unai Emery cha lapangia a chhuahpa ta a daoh ei ta, châhrasala ama hlao tloh vei, Newcastle heta kô 43 pa Howe he ama palôh liata a y via ha.

Atakô kô thao lâna khata Howe he Celtic chhaota lapangia a chhuah hra ta, châhrasala Howe heta Celtic he dytha ta, Newcastle nah heta a ryhna ama hnei thei aw ma tahpa cha sia mâh hra vei sala, ama ziza deikua cha a pha kawpa hawhta thâtihbu chyhsa zy ta ama reih. 

Newcastle heta Howe he ama la thei leipa khiahtala atahmâ ta Belgium head coach châ ngâhaipa Roberto Martinez nata AS Roma manager parohpa Paulo Fonseca zy cha a daoh heih awhpa amâ chhuah zie palâsa pa a châ hra.

Newcastle heta Graeme Jones cha interim manager châta rao ei ta, Jones heta atahmâ hâta Newcastle a khaihna liata first team a chhihtha hra aw.